"Omni Finance" BOKT ötən ili zərərlə başa vurub
"Omni Finance" MMC bank olmayan kredit təşkilatı (BOKT) 2018-ci ili 19 min manat zərərlə başa vurub.
"ENA" BOKT-un maliyyə hesabatına istinadən xəbər verir ki, bu, 2017-ci ilə nisbətən eynidir.
Ötən il "Omni Finance"ın gəlirləri 217 min manat, o cümlədən faiz gəlirləri 217 min manat, qeyri-faiz gəlirləri 0 manat, xərcləri 236 min manat, o cümlədən faiz xərcləri 162 min manat, qeyri-faiz xərcləri 74 min manat, xüsusi ehtiyatlara ayırmaları isə 0 manat təşkil edib.
Bu il yanvarın 1-nə "Omni Finance"ın aktivləri 2,914 milyon manat olub ki, bu da illik müqayisədə 0,7% azdır. Bunun 2,105 milyon manatı müştərilərə verilmiş xalis kreditlərdir. 2018-ci ildə BOKT-un kredit portfeli 0,3% kiçilib.
Hesabat dövründə "Omni Finance"ın öhdəlikləri dəyişməyərək 2,858 milyon manat qalıb, balans kapitalı isə 25,3% azalaraq 56 min manata düşüb.
