Aktivlərindən ən yaxşı istifadə edən bank məlum oldu

07 iyun 2019

Azərbaycanda fəaliyyət göstərən 30 bank bu ilin I rübünü 123,9 milyon manat xalis mənfəətlə başa vurub ki, bu da onların bu il aprelin 1-nə malik olduqları 29 846,9 milyon manat məbləğində aktivlərin 0,4%-i qədərdir.

Bu, aparılan araşdırma nəticəsində məlum olub.

Ayrı-banklarda isə sözügedən nisbət fərqlidir. Belə ki, yanvar-mart aylarından mənfəətlə çıxmış 21 bank arasında aktivlərindən ən yaxşı istifadə edəni "Azərbaycan Beynəlxalq Bankı" ASC (ABB) olub. Bu bankın əldə etdiyi mənfəət aktivlərinin 1,5%-ni təşkil edib. Xatırladaq ki, ABB aktivlərinin məbləğinə görə də ölkədə liderdir.

Fəaliyyət effektivliyinə görə, 2-ci yeri "Kapital Bank" ASC tutub. Bu bank ötən rüb aktivlərinin 1,3%-i qədər mənfəət əldə edib. Bu arada, "Kapital Bank" aktivlərinin məbləğinə görə, 30 bank arasında 3-cü yerdə qərarlaşıb.

Mənfəətinin aktivlərinə nisbətinə görə 3-cü yerə isə 1%-lik göstərici ilə "Bank VTB Azərbaycan" ASC sahib olub. Baxmayaraq ki, bu bank aktivlərinin məbləğinə görə, ölkədə 28-cidir.

Mənfəətlə işləyən qalan 18 bankda isə sözügedən göstərici 0-1% arasında dəyişir.

№	Bankın adı	Bankın rüblük mənfəətinin / zərərinin aktivlərinə nisbəti
1	Azərbaycan Beynəlxalq Bankı	1,5%
2	Kapital Bank	1,3%
3	Bank VTB Azərbaycan	1,0%
4	Unibank	0,9%
5	PAŞA Bank	0,8%
6	Nikoyl Bank	0,7%
7	Naxçıvan Bank	0,6%
8	Premium Bank	0,5%
9	Rabitəbank	0,5%
10	Azərbaycan Sənaye Bankı	0,4%
11	Express Bank	0,4%
12	Yapı Kredi Bank Azərbaycan	0,4%
13	Zıraat Bank Azərbaycan	0,4%
14	Xalq Bank	0,3%
15	Günay Bank	0,2%
16	Azər-Türk Bank	0,1%
17	Bank Respublika	0,1%
18	AFB Bank	0,0%
19	Atabank	0,0%
20	Bank Avrasiya	0,0%
21	Turan Bank	0,0%
22	AGBank	-0,1%
23	NBC Bank	-0,2%
24	Amrah Bank	-0,8%
25	Bank of Baku	-2,9%
26	Bank BTB	-0,9%
27	Pakistan Milli Bankı - Bakı	-1,1%
28	Muğan Bank	-2,5%
29	İran Milli Bankı - Bakı	-8,3%
30	Access Bank	-9,3%