Filippində dünyanın ən bahalı istirahət mərkəzi açılıb
Filippində altı villadan ibarət dünyanın ən bahalı istirahət mərkəzi açılıb.
"BI" lenta.ru-ya istinadla xəbər verir ki, “Banva Private Island” mərkəzi Palavan arxipelaqında yerləşir.
Turistlər bura Manila hava limanından birbaşa uçuş edəcəklər. Doqquz nəfərlik təyyarədə uçuş qiyməti bir nəfər üçün 990 dollardır. Beş nəfərlik vertolyotla isə bu rəqəm bir nəfər üçün 11 min 600 dollar təşkil edir.
“Banva Private Island”dakı hər villada bir günə 100 min dollar ödəmək tələb olunur.
İstirahət edənlər dalğıc səyahəti, katamaranlarla gəzinti, hovuz, spa, tennis kortları, yoqa təlimlərindən və s. faydalana biləcəklər.
