İran şirkəti Azərbaycanda yük maşınları üçün qoşqular satacaq
Bu gün İranın "Maral" treller şirkəti ilə "Azərmaş" ASC arasında distribüterlik müqaviləsi imzalanıb.
Bu barədə jurnalistlərə “Azərmaş”ın İdarə Heyətinin sədri Emin Axundov bildirib.
“Müqavilə ağır tonnajlı yük maşınları üçün qoşquların Azərbaycanda satışını nəzərdə tutur. Daha sonra həmin qoşquların istehsalı üçün Azərbaycanda yeni zavodun tikilməsi gözlənilir” – o deyib.
