"Axa MBASK"ı tərk edib "PAŞA Sığorta"ya təyinat aldı
Son günlərdə vəziyyəti yaxşı olmayan “AXA MBASK” Sığorta Şirkətindəki vəziyyət ucbatından kadr axını davam edir.
"Businessinsider.az" xəbər verir ki, bunlardan biri də 7 il bu şirkətdə Satış Departamenti direktoru kimi çalışan Əliağa Nağıyevdir.
Nağıyev “Axa MBASK”-ı tərkindən 1 ay keçməmiş artıq yeni iş yeri məlum olub. Məlumata görə, adıçəkilən şəxs sığorta bazarının ən böyük iştirakçısı olan “PAŞA Sığorta” ASC-yə Satış Departamentinin Direktoru vəzifəsinə təyin olunub.
Qeyd edək ki, Nağıyev 2008-ci ildə “Axa MBASK”a Təkrarsığortanın idarə olunması üzrə üzrə anderayter və 2012-ci ildə isə Satış Direktoru təyin olunmuşdu.
