Azərbaycanın xarici dövlət borcu 4,6 milyard dollardan aşağı düşüb
Bu il avqustun 1-nə Azərbaycanın xarici dövlət borcu 4 milyard 590,8 milyon ABŞ dolları təşkil edib.
ENA.az bu barədə Dövlət Statistika Komitəsinə istinadən xəbər verir.
Məlumata görə, bu, ötən il avqustun 1-nə nisbətən 7,5 % azdır.
Təkcə iyulda ölkənin xarici dövlət borcu 26 milyon ABŞ dolları azalıb.
Ötən il ölkənin xarici dövlət borcu 6,7 % azalaraq 4 milyard 813,5 milyon ABŞ dollara (8 milyard 183 milyon manata) düşüb.
