Bütün "Boeing 737 MAX" sərnişin təyyarələrində yeni proqram quraşdırılacaq
Yaxın həftələrdə bütün “Boeing 737 MAX” sərnişin təyyarələrində yeni proqram təminatı quraşdırılacaq.
"BI"nin “RİA Novosti”yə istinadən verdiyi xəbərə görə, bu barədə şirkətin rəsmi saytındakı açıqlamada deyilir.
Açıqlama bazar günü Efiopiyada 157 nəfərin ölümü ilə nəticələnən “Boeing 737 MAX” sərnişin təyyarəsinin qəzaya uğraması ilə bağlı verilib.
“”Boeing” yenilənmə, planlaşdırılma və proqram təminatının sertifikatlaşdırılması sahəsində ABŞ Mülki aviasiya federal idarəsi ilə əməkdaşlıq edir və yaxın həftələrdə bu proqram təminatı “Boeing 737 MAX” sərnişin təyyarələrində də tətbiq ediləcək. Yenilənmə, həmçinin müştərilərimizin rəylərini də əhatə edəcək”, - deyə şirkətdən bilidirilib.
“Boeing” şirkətinin açıqlamasına görə, sözügedən proqram aprel ayından gec olmayaraq Mülki Aviasiya İdarəsi tərəfindən bu tip hava gəmilərinin uçuş sərfinin təyin edilməsini asanlaşdıracaq.
