2026-cı ildə dünyada biznes üçün - 10 RİSK NƏDİR?

Allianz Commercial tərəfindən aparılan 15-ci illik qlobal biznes riskləri sorğusu olan "Allianz Risk Barometri" dərc edilib.

Allianz Risk Barometri, 97 ölkə və 23 fərqli sektordan 3338 risk idarəetmə mütəxəssisinin fikirlərinə əsaslanaraq, kiberhücumların, xüsusən də "ransomware" hücumlarının, 2026-cı ildə ardıcıl beşinci ildir ki, bütün ölçülü şirkətlər üçün bir nömrəli risk olduğunu göstərir. Risk sıralamasında Süni intellekt (Aİ) ən böyük artımı göstərərək 10-cu yerdən 2-ci yerə yüksəlib. Bu artım, Aİ-nin demək olar ki, bütün sektorlardakı şirkətlər üçün artan risk kimi qəbul edildiyini göstərir. Respondentlərin təxminən yarısı Aİ-nin öz sənayeləri üçün risklərdən daha çox fayda təmin etdiyinə inanır, beşdə biri isə bunun əksini deyir.

İş fasilələri ilk dəfə olaraq Allianz Risk Barometrində 3-cü yerə düşərək ilk iki risk arasında yer almayıb. Lakin, bu risk, ilk 10-luqdakı digər risklərin nəticəsi ola biləcəyi nəzərə alınmaqla, ciddi narahatlıq doğurur. Təbii fəlakətlər bu il 5-ci yerdə qərarlaşıb, siyasi risklər və zorakılıq isə qlobal miqyasda indiyə qədər ən yüksək səviyyəyə yüksələrək 7-ci yerə çatıb.

DÜNYADA İLK 10 RİSK REYTİNQİ:
1. Kiberhadisələr 42%

2. Süni intellekt 32%

3. Biznesin dayanması 29%

4. Qanunvericilikdə və qaydalarda dəyişikliklər 26%

5. Təbii fəlakətlər 21%

6. İqlim dəyişikliyi 19%

7. Siyasi risklər və zorakılıq 15%

8. Makroiqtisadi inkişaflar 14%

9. Yanğın və partlayış 13%

10. Bazar trendləri 13%