Azərbaycanlılar Türkiyədə yeni telekanal açdı - Foto + Video

“Haber Global” xəbərçiliyə yeni bir nəfəs gətirmək üçün “Global Media Group A.Ş.” tərəfindən qurulub.

“Haber Global” insanı mərkəzə qoyan, ona fokuslanan, dərdləri deyil həll yollarını göstərən, sosial xəbərçilik anlayışı ilə Türkiyənin ən yaxşı xəbər kanalı olmağı hədəfləyir. Kanal bugünə qədər informasiya anlayışında mövcud olan streotiplərin üstündən xətt çəkməyi və bu istiqamətdə yeni yola çıxmağı hədəfləyir.

Kanalda təkcə xəbər deyil, küçə, insanların, siyasi prioritetlərin nəbzi tutulacaq, seçilən şəxslər və düzgün nöqtələrə fokuslanan xəbər müzakirə proqramları, iqtisadiyyat, idman buraxılışları, xəbər proqramları və sənədli filmlər yer alacaq.

“Haber Global”ı uğura aparacaq adlar arasında İdarə Heyətinin Sədri, iş adamı Elnur Abdullayev, baş icraçı direktoru (CEO) Məmməd Gülməmmədovvə baş redaktor Erdoğan Aktaş gəlir. Kanalın əsas yayım rejissor köməkçisiAlişer Delek, Ankara Nümayəndəsi Faruk Demirel, proqramlardan məsul koordinator isə Cansel Poyraz Akyoldur.

“Haber Global”ın ekran üzləri və proqramları

Kanalda izləyəcəyiniz uğurlu, təcrübəli, ekran üzləri və proqramlardan bəziləri aşağıdakılardır:

Gün ərzində xəbər axını

- Həftə içi hər gün saat 06:00-da günün ən isti xəbərləri Seda Selek ilə “Türkiyede Sabah”da.

- Ankara kulislərindəki son yeniliklər, xarici xəbərlər, iqtisadiyyat və idmanın prioritetləri Erhan Ertürk ile “9’dan 13’e”də olacaq.

- Günü formalaşdıran bütün yeniliklər Senem Toluay Ilgaz ilə “13’ten 16’ya”da.

- Gündəmin ən isti xəbərləri saat 16:00-da Osman Girgin ilə “Günün Nabzı”nda.

- Günün bütün əsas yenilikləri isə 19:00-da Ekin Olcayto ilə (“Ana Haber”də) əsas xəbər buraxılışında yayımlanacaq.

- 24 saat ərzində ölkədə və dünyada baş verən hadisələr, gündəm və gələcəyi vizuallaşdıran bütün yeniliklər Türkiyə vaxtı ilə saat 23:00-də Gülay Özdem ilə “Günün Sonu”nda ekranlarda olacak.

Debat Proqramları

Türkiyə və dünya gündəminin önə çıxan məsələləri, təcrübəli televiziya xəbərçiləri tərəfindən ekspert və günün önə çıxan adları ilə müzakirə olunacaq. Bazar ertəsi, çərşənbə, saat 20:00-da Senem Toluay Ilgaz ilə “Neden?””, çərşənbə axşamı, cümə axşamı saat 20:00-də Erhan Ertürk ilə “Müzakere” proqramları ekranlarda olacaq.

İqtisadi Gündəm

İqtisadiyyatda baş verən ən son xəbərləri “Haber Global”ın İqtisadiyyat müdiriMurat Üzel və İlke Canpolat ilə izləyəcəksiniz. Bazar ertəsi və cümə günləri saat11:20-də Murat Üzel “Mesai” proqramında sosial təhlükəsizlik ilə bağlı suallara ekpertlər ilə birlikdə həll yolu axtaracaq.

Xarici xəbərlər

Dünya gündəmindəki ən isti informasiyalar, “Haber Global”ın xarici xəbərlər üzrə müdiri Süheyla Demir ilə ‘’Dış Hatlar’’ proqramı ilə həftə içi hər gün saat 16:30-da ekranda olacaq.

İdman gündəmi

Həftə içi hər gün ekrana gələcək idman buraxılışı çərçivəsində şənbə günü23:10-da Onur Tuğrulun moderatorluğu ilə “Konrta” proqramı idman azarkeşləri üçün ekranda olacaq. Bazar günü 23:10-da isə yayımlanacaq “Karşılaşma” proqramı ilə idmanda önə çıxan xəbərlər Melike Saied mütəxəsislər ilə birlikdə şərh edəcək.

“Haber Global” proqramları

Təcrübəli televiziya jurnalisti Ceren Akdağ, kanalda proqram müdiri ilə yanaşı, “Hayat Sana Güzel” proqramı ilə hər həftə sonu mədəniyyətdən idmana, gözəllikdən sağlamlığa, yeməkdən musiqiyə bir çox mövzu və qonaqlarla tamaşaçıları ilə görüşəcək. Türkiyənin sevilən simalarının qonaq olacağı proqramda xüsusi reportajlar, küçənin səsi, sürpriz bölümlər yer alacaq. Hər şənbə və bazar həyatın bütün rənglərini içində saxlayan bölümləri ilə saat 09:15-də “Haber Global”da.

Bora Baların təqdimatında “Bi Tık Dünya”, rəqəmsal oyuncaqlardan yeni ixtiralara, kosmik araşdırmalardan mobil cihazlara, həyatı asanlaşdıran tətbiqlərdən, milyonlarla insanı arxasıyca aparan oyunlara qədər, qısası “texnologiyaya dair hər şey” ekranlaşdırılacaq. Texnologiyanın gülümsəyən üzünü ekrana daşıyan proqram isə hər şənbə günü saat 12:30-də “Haber Global”da olacaq.

Gülnur Üykünün təqdimatında mədəniyyət dünyasının ürəyi hər həftə “Sanat Durağı” proqramında döyünəcək. Festivallarda sizin üçün yer ayıran, sənəti evinizə qədər gətirən, xüsusi reportajlar ilə, yeni layihələri xəbər verən proqram, hər cümə günü saat 18:30-də “Haber Global”da.

Ersen Kıyganın hazırladığı “Şehrin Sesleri ve Şehrin Yüzleri”, insan hekayələri ilə qarşınızda olacaq. Hər gün salam verdiyiniz aşbazın və ya şəhərin üzərində uçan göyərçinin qanad səsi.. Qısa sənədli film şəklində ekranlaşdırılacaq.

“HABER GLOBAL”ın tezlik məlumatları:

Digiturk 47.Kanal
D-Smart 53.Kanal
PEYK: TÜRKSAT 4A

“HABER GLOBAL”ın sosial media ünvanları:

Twitter.com/HaberGlobalTV
Instagram.com/haberglobal
Facebook.com/HaberGlobal

Haberglobal.com.tr adresindən canlı yayım izləyə bilərsiniz.