Paşinyana Qazaxıstan Respublikasının ən yüksək mükafatı verilib

Qazaxıstan Prezidenti Kasım-Jomart Tokayev Ermənistanın Baş naziri Nikol Paşinyana Qazaxıstan Respublikasının ən yüksək mükafatının verildiyini elan edib.

Məlumata görə, Kasım-Jomart Tokayev bu barədə Ermənistanın Baş naziri Nikol Paşinyanla bugünkü görüşdən sonra keçirilən mətbuat konfransında bildirib.

"Hörmətli cənab Baş nazir, siz beynəlxalq ictimaiyyət tərəfindən güclü, uzaqgörən lider və siyasətçi kimi tanınırsınız. Sizin rolunuzu nəzərə alaraq, bu gün Qazaxıstan Respublikasının ən yüksək mükafatını təqdim etdim. Bu addım ölkələrimiz arasında dostluğun əlamətidir və eyni zamanda münasibətlərimizi daha da dərinləşdirmək öhdəliyimizin sübutudur", - Tokayev vurğulayıb.

Kasım-Jomart Tokayev "Altın Qıran" ordenini Nikol Paşinyanın boynundan asaraq deyib ki, o, erməni Baş naziri ölkəsinin inkişafına yeni enerji bəxş edən və dövlət quruculuğunun bütün sahələrində islahatlara güclü təkan verən əsl milli lideri hesab edir.

"Qardaş Qazaxıstan Respublikasının ən yüksək mükafatına layiq görülmək və onu şəxsən sizdən almaq mənim üçün böyük şərəfdir. Siz yüksək təcrübəli siyasətçi, dövlət xadimi və diplomatsınız və sizin minnətdarlığınız əvəzsizdir. Əminəm ki, bu mükafat təkcə ikitərəfli münasibətlərin deyil, həm də bütün geniş regionumuzun daha da inkişafına töhfə verəcək", - deyə Ermənistanın Baş naziri qeyd edib.