İcbari Sığorta Bürosunda YENİ TƏYİNATLAR

İcbari Sığorta Bürosunun (İSB) Himayəçilər Şurasının (HŞ) tərkibində dəyişiklik edilib. 

ENA.az xəbər verir ki, Şuranın üzvü olan "PAŞA Sığorta" ASC-nin İdarə Heyətinin (İH) keçmiş sədri Ülviyyə Cabbarovanı yeni sədr Niyaz İsmayılov, "Xalq Sığorta" ASC-nin İH-nin üzvü Mətanət Nərimanlını isə eyni şirkətin İH sədrinin müavini Aydın Rəhmanov əvəzləyib.

Şuranın sədri Azərbaycan Mərkəzi Bankının nümayəndəsi Elçin Əlizadə, digər üzvləri AMB-nin nümayəndəsi Vüsal Qurbanov və "Atəşgah Həyat" ASC-nin İH-nin sədri Azər Əliyev dəyişməyib.

 Xatırladaq ki, İSB 2011-ci ildə yaradılıb. Hazırda onun iştirakçısı olan sığorta şirkətlərinin sayı 15-dir.