Neft ucuzlaşmaqda davam edir (09.07.2025)
Neft əvvəlki sessiyada iki həftənin ən yüksək səviyyəsinə çatdıqdan sonra çərşənbə günü bir qədər geriləyib.
İnvestorlar ABŞ-ın tarifləri ilə bağlı gələcək inkişafı gözləyərkən, ABŞ-da xam neft ehtiyatlarının artacağına dair gözləntilər qiymətlərə təzyiq göstərib.
Brent markalı neft 0,1 faiz azalaraq 70,08 dollar olub. ABŞ xam nefti (WTI) 0,1 faiz ucuzlaşaraq bir barel üçün 68,25 dollar olub.
ABŞ prezidenti Donald Trampın son tarif moratoriumu Yaponiya, Cənubi Koreya və Avropa İttifaqı kimi əsas ticarət tərəfdaşlarına tarifləri yüngülləşdirməyə dair sövdələşmələrin hələ də imzalana biləcəyinə ümid verib.
Tramp həmçinin əlavə edib ki, o, idxal edilən misə 50 faizlik rüsum tətbiq edəcək və tezliklə yarımkeçiricilər və əczaçılıq məhsullarına vergi tətbiq edəcək ki, bu da qlobal bazarları sarsıdan ticarət müharibəsini genişləndirərək uzun müddət təhdid edir.
