Rusiya: Biz tənəzzülün astanasındayıq
Rusiyanın iqtisadi inkişaf naziri Maksim Reşetnikov Peterburq Beynəlxalq İqtisadi Forumu (SPİEF) çərçivəsində keçirilən “İqtisadiyyat üzrə tövsiyələr” adlı paneldə çıxış edib.
Rusiya iqtisadiyyatının birinci rübdə güclü performans göstərməsinə baxmayaraq, investisiyaların artımının yavaşladığını qeyd edən Reshetnikov, "Biz hazırkı faiz dərəcələrinin təkcə kreditlərlə yeni layihələrə girməyə deyil, həm də vəsait yatırmağa ciddi şəkildə mane olduğunu görürük" dedi.
Reshetnikov, Rusiya iqtisadiyyatının mövcud faizlərə görə girdiyi soyutma prosesinə işarə edərək, "Rəqəmlərə baxdıqda bir soyutma var, ancaq rəqəmlər geridə qalır. İş dünyasının hazırkı durumuna və göstəricilərinə baxdıqda mənə elə gəlir ki, tənəzzülün astanasındayıq".
Sözügedən şərhin bir proqnoz olmadığını vurğulayan Reshetnikov, "Sadəcə tənəzzülün astanasında olduğumuzu düşünürəm. Hər şey davam edən prosesdə verəcəyimiz qərarlardan asılı olacaq" dedi.
Rusiya Mərkəzi Bankı iyunun 6-da keçirdiyi iclasda uçot dərəcəsini 2022-ci ilin sentyabrından bəri ilk dəfə olaraq 21 faizdən 20 faizə endirib.
