Neft ABŞ-ın ehtiyatlarının artması hesabına düşür (15.05.2025)
ABŞ hökumətinin hesabatında xam neft ehtiyatlarının iki ayda ən çox artdığını göstərməsindən sonra neft ucuzlaşaraq dünyanın iki ən böyük iqtisadiyyatı arasında ticarət barışığı ilə bağlı uzunmüddətli optimizmi kölgədə qoydu.
ABŞ xam nefti 0,8 faiz ucuzlaşaraq barreli 63 dollar civarında bağlanaraq, dörd günlük qazanc seriyasına son qoyub. Qlobal benchmark Brent markalı neft 66 dollar civarında bağlanıb. ABŞ Enerji İnformasiya Administrasiyasının (EIA) çərşənbə günü açıqladığı məlumatlara görə, ABŞ-ın xam neft ehtiyatları 3,45 milyon barel artıb. Bu, mart ayından bəri ən böyük artım olub.
Hökumətin mənfi məlumatları, ABŞ-Çin ticarətinin əriməsi və ABŞ prezidenti Donald Trampın İran neftinin tədarükünə qarşı sərt ritorikası neft qiymətlərindəki artımı dayandırıb. Tramp çərşənbə günü Tehranın nüvə silahına sahib ola bilməyəcəyini təkrarlayıb, İranın xarici işlər naziri isə ABŞ-ı “daha realist” yanaşmaya çağırıb.
