Neft ABŞ-Çin danışıqlarından sonra qismən artıb - QİYMƏT (12.05.2025)
ABŞ və Çin iki günlük danışıqlardan sonra "əhəmiyyətli irəliləyiş" haqqında məlumat verdi, ancaq təfərrüatları açıqlamadılar. Bu isə neft qiymətlərinə qismən artırıcı təsir göstərdi.
Brent markalı neftin barreli 64 dollar, ABŞ xam nefti isə 61 dollar civarında satılırdı. Cenevrədəki danışıqlardan sonra ABŞ Maliyyə Naziri Scott Bessent və Ticarət Nümayəndəsi Jamieson Greer irəliləyiş üçün ümid etdiklərini və bazar ertəsi daha çox məlumat paylaşacaqlarını bildiriblər. Çin rəsmiləri də oxşar müsbət bəyanatlar veriblər.
Xam neftin qiymətləri, OPEC+ hasilatı artırsa belə, ABŞ prezidenti Donald Trampın ticarət müharibəsinin iqtisadi artıma zərbə vuracağına dair narahatlıqlar səbəbilə keçən ayın əvvəlində kəskin enişdən sonra bir qədər bərpa olunub. Lakin fyuçerslər hələ də yanvar ayının ortalarının pik nöqtəsindən təxminən beşdə bir qədər aşağıdır. Çünki tələbin azalacağı və təklifin artacağına dair gözləntilər var.
Qisheng Futures-in analitiki Gao Jian, "Makro, fundamental və ya geosiyasi cəbhələrdə daha konkret və müsbət irəliləyişlər olmasa, neftin qiymətinin gələcək bərpası potensialı məhdud qalacaq" deyib.
Geosiyasi gərginlik də davam edir. ABŞ və İran bazar günü Vaşinqtonun "həvəsləndirici", Tehranın isə "çətin, lakin faydalı" adlandırdığı danışıqlardan sonra İranın nüvə proqramı ilə bağlı danışıqları bərpa edəcək. Ötən həftə ABŞ İran neftinin ticarətini asanlaşdırdığı üçün Çindəki üçüncü neft emalı zavoduna sanksiya tətbiq edib.
