Mərkəzi Bank iki “exchange” barəsində məcburi göstəriş verib
Azərbaycan Mərkəzi Bankı tərəfindən “Eliko” MMC və “Meta-Kapital” MMC-lərə icrası məcburi göstərişlər verilib.
ENA.az xəbər verir ki, hər iki şirkət 2025-ci ilin fevral ayında aylıq hesabatlarını təqdim etməyib, bunun nəticəsində isə “Valyuta tənzimi haqqında” Azərbaycan Respublikası Qanununun 13-7.1.2-ci maddəsinə əsasən bu addım atılıb.
Qeyd edilən şirkətlər barəsində “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 7.1-ci bəndinin tələblərini pozaraq, aylıq hesabatlarını vaxtında təqdim etməyib. Bununla əlaqədar olaraq, Mərkəzi Bank tərəfindən şirkətə qanunvericiliklə müəyyən edilmiş vaxtda hesabatların təqdim edilməsi ilə bağlı icrası məcburi göstəriş verilmişdir.
