Səhvən müştərinin hesabına 6 milyard dollar köçürülüb
Citigroupda işçinin səhvən hesabı kopyalayıb yapışdırmasından sonra müştərinin hesabına təxminən 6 milyard dollar köçürülüb.
Məsələ ilə tanış olan mənbələrə görə, Citigroup-un aktivlərin idarə edilməsi bölməsində baş verən xəta əməliyyatın həyata keçirilməsindən sonrakı iş günü aşkar edilib. Bu hadisə bankın eyni ayda səhvən başqa bir müştəriyə 81 trilyon dollar depozit qoyduğu ikinci böyük səhvi olub.
"Biz banka və ya müştərimizə heç bir təsiri olmayan bu daxiletmə xətasını dərhal müəyyən etdik və düzəltdik. Biz həmçinin Citi-nin manuel prosesləri aradan qaldırmaq və nəzarəti avtomatlaşdırmaq üçün davam edən səylərinə uyğun olaraq gücləndirilmiş qabaqlayıcı tədbirlər həyata keçirdik", - Citigroup-un bəyanatında deyilir.
