Dövlət Ehtiyatları Agentliyi büdcədən artıq vəsait alıb və banka depozit qoyub
Hesablama Palatası Dövlət Ehtiyatları Agentliyində həyata keçirdiyi kənar dövlət maliyyə nəzarəti tədbiri nəticəsində nöqsanlar aşkar edib.
Bu barədə Palatadan m'lumat verilir.
Məlumata görə, audit nəticəsində müəyyən edilib ki, dövlәt büdcәsi vәsaitlәrinә illik tәlәbatın düzgün müәyyәn edilməməsi ilə 2022-ci ildә 45 milyon manat, 2023-cü ildә 127 milyon 516,3 min manat vәsait müxtәlif şәrtlәrlә banklarda depozit kimi yerlәşdirilib, depozitdәn qayıtmış vәsaitlәr çıxılmaqla depozitin qalığı 2023-cü ilin sonuna 44 milyon 516,3 min manat olub.
Bundan başqa, müvafiq hüquqi aktla dövlәt büdcәsinin әsaslı vәsait qoyuluşu üçün nәzәrdә tutulmuş maliyyә resurslarından 2 әdәd lokomativin alınması tәyinatı üzrә ayrılmış 1 milyon manat vәsaitin hesabına ümumilikdә 822,2 min manat xәrclәnәrәk lokomotivlərin alınmasından sonra qalan 177,8 min manat tәyinatı bәlli vәsaitin auditin keçirildiyi müddәtin sonuna qədər Agentliyin bank hesabında saxlanılıb vә büdcәyә qaytarılmayıb.
Aidiyyәti hüquqi aktın tәlәblәri pozularaq icarәdәn әldә edilmiş 164,6 min manat mәblәğindә vәsaitin 50 %-i (yәni, 82,3 min manatı) büdcәyә köçürülmәyib, eyni zamanda kәnar hüquqi şәxslәrin istifadәsinә verilmiş sahәlәrә görә әmlak vә torpaq vergisinin dövlәt büdcәsinә hesablanması vә ödәnilmәsi tәmin edilmәyib.
Palata müәyyәn olunmuş nöqsan vә çatışmazlıqların aradan qaldırılması ilә bağlı tәdbirlәr görülməsi, qanunvericiliklә müәyyәn edilmiş qaydada mәlumat verilmәsi mәqsәdilә müvafiq Kollegiya Qәrarının vә Auditor hesabatının surәtinin Agentliyə göndәrilmәsini, audit nәticәlәri üzrә aşkar edilmiş aidiyyәti nöqsanlarla әlaqәdar qanunvericiliklә müәyyәn edilmiş sәlahiyyәtlәr çәrçivәsindә zәruri tәdbirlәr görülməsi üçün Maliyyә Nazirliyinә, İqtisadiyyat Nazirliyi yanında Әmlak Mәsәlәlәri Dövlәt Xidmәtinә vә Dövlәt Vergi Xidmәtinә müvafiq mәktublar göndәrilmәsini, auditin müvafiq nәticәlәri ilә әlaqәdar Nazirlәr Kabinetinә mәlumat tәqdim edilmәsini “Hesablama Palatası haqqında” qanuna uyğun olaraq Milli Mәclisә auditin nәticәlәri barәdә mәlumat verilmәsini təklif edib.
Qeyd edək ki, Azərbaycan Respublikasının Dövlət Ehtiyatları Agentliyi (ADEA) Azərbaycan Respublikasının Prezidenti cənab İlham Əliyevin 2021-ci il 7 oktyabr tarixli 1456 nömrəli fərmanı ilə yaradılıb. Nizamnaməyə uyğun olaraq Azərbaycan Respublikasının Dövlət Ehtiyatları Agentliyi ölkənin strateji əhəmiyyətli istehlak malları üzrə təchizat zəncirinin dayanıqlılığının təmin edilməsi və daxili bazarda həmin malların qısamüddətli kəskin qiymət dəyişikliyinin qarşısının alınması üçün tədbirlər görməlidir.
Bundan əlavə, Agentlik fövqəladə hadisələrin qarşısını almaq, onların təsirlərini aradan qaldırmaq, həmçinin strateji əhəmiyyətli obyektlərin fasiləsiz fəaliyyətini təmin etmək məqsədilə keçirilən mülki müdafiə tədbirləri çərçivəsində fövqəladə ehtiyatların – müxtəlif növ avadanlıqlar, xüsusi və fərdi mühafizə vasitələrinin yaradılmasında iştirak edir. ADEA, həmçinin, müvafiq dövlət qurumları tərəfindən ölkənin müdafiə və səfərbərlik ehtiyaclarını təmin etmək məqsədilə yaradılan səfərbərlik ehtiyatlarının zəruri həcmdə mövcudluğuna nəzarət edir. Strateji və fövqəladə ehtiyatların mütəmadi olaraq yeniləşdirilməsi və effektiv idarə olunması Agentliyin əsas vəzifələrindən biridir.
ADEA-nın İdarə Heyətinin sədri Səbuhi Əhəd oğlu Sadıqov, müavinləri Zaur İlham oğlu Abişev, Zaur Əvəz oğlu Ələkbərovdur.
