Sanksiyalardan sonra neftdə qiymət hələki yaşıl zonadadır

ABŞ-ın Rusiyaya qarşı yeni sanksiyaları və ABŞ-ın neft ehtiyatlarının aşağı səviyyədə olmasının ardınca neft qiymətlərindəki dalğalanmalar öz yerini üfüqi baxışa verir.

Həftənin üçüncü ticarət günündə Brent markalı neft 80 dollar civarındadır. ABŞ xam neftinin qiyməti 78 dollardır.

ABŞ-ın Rusiyaya qarşı sanksiyaları ilə bağlı xəbər axınından sonra ABŞ-dan gələn birja məlumatları da qiymətlərə təsir etdi.

Bloomberg tərəfindən görülən sənədlər Amerika Neft İnstitutunun məlumatlarında keçən həftə ehtiyatların 2,6 milyon barrel azaldığını göstərdi. Bu istiqamətdə məlumatlar açıqlansa, bu, 8-ci eniş kimi qeydə alınacaq.

Ötən həftə ABŞ Maliyyə Nazirliyi Rusiyanın ümumi neft ixracının təqribən 20 faizini təşkil edən iki böyük neft istehsalçısı olan “Qazprom Neft” və “Surqutneftegaz”ın və onların törəmə şirkətlərinin sanksiyalar siyahısına əlavə edildiyini açıqlayıb.

IG Asia Pte-nin strateqi Yeap Jun Rong, Trampın qarşıdan gələn andiçmə mərasimi ərəfəsində neft bazarının ABŞ-ın neft hasilatı ilə bağlı enerji siyasətlərinə daha çox aydınlıq gətirmək istədiyi üçün qiymətlərin hələlik dar diapazonda qalacağını bildirib.