Azərbaycan Tibb Universitetinə yeni prorektor TƏYİN EDİLDİ
Azərbaycan Tibb Universitetinə (ATU) yeni prorektor təyin olunub.
Məlumata görə, Tibb elmləri doktoru, radioloq Məlahət Sultanova ali təhsil müəssisəsinin elmi işlər üzrə prorektoru vəzifəsinə gətirilib.
Məlahət Sultanova indiyə qədər Azərbaycan Tibb Universitetinin Şüa diaqnostika kafedrasının müdiri vəzifəsində çalışıb.
Qeyd edək ki, Tibb elmləri doktoru, professor, olan Məlahət Cahangir qızı Sultanova 1990-1996-cı illərdə ATU-da ali tibb təhsili almış və radioloq ixtisasına yiyələnib. 1996-1998-ci illərdə Məlahət Sultanova Azərbaycan Tibb Universitetində klinik ordinaturada olmuş,1998-2012-ci illərdə Məlahət Sultanova ATU-da Assistent vəzifəsində çalışıb.
2012-2020-ci illərdə ATU Şüa diaqnostikası kafedrasının dosenti vəzifəsində işləyib.
2020-ci ildə doktorluq dissertasiyasını müvəffəqiyyətlə müdafiə edərək Tibb elmləri doktoru, professor elmi dərəcəsinə yiyələnib.
