“Bank of Baku”ya 2 yeni departament direktoru təyin edilib
“Bank of Baku” ASC-də 2 yeni təyinat olub.
Məlumata görə, Əhməd Əhmədov “Bank of Baku”nun Reklam və PR departamentinin direktoru, Mənsur Məmmədov isə “Bank of Baku”nun Biznesin inkişafı departamentinin direktoru təyin edilib.
Mənsur Məmmədov buna qədər bankda Biznesin inkişafı departamentinin direktor müavini, Əhməd Əhmədov “Reklam şöbəsi”nin müdiri kimi çalışırdı.
Xatırladaq ki, “Bank of Baku” 1994-cü ildən fəaliyyət göstərir. Onun nizamnamə kapitalı 52,9 milyon manatdır. Bankın səhmlərinin 35 %-i Türkiyənin “NAB Holding”inə, 31,1 %-i Hikmət Abuzər oğlu İsmayılova (“Azsığorta” ASC-nin 100 %-lik, “AFB Bank” ASC-nin isə 99,6 %-lik səhmdarı), 28,9 %-i “Azpetrol Neft Şirkəti” MMC-yə, 5 %-i isə Elçin Həmid oğlu İsayevə (Müşahidə Şurasının sədri) məxsusdur.
