Neftdə “atəşkəs” gözləntiləri
Neft, Yaxın Şərqdə mümkün atəşkəslə bağlı müzakirələr əsnasında demək olar ki, iki həftə ərzində ən çox ucuzlaşıb.
Brent nefti bazar ertəsi günü 1,2 faiz ucuzlaşdıqdan sonra bir barel üçün 88 dolları keçib, ABŞ xam nefti isə 83 dollardan aşağı alınıb. Hazırda Brent markal neft 88,27 dollara satılır.
Danışıqlardan xəbəri olan iki mənbənin bildirdiyinə görə, İsrail və Həmas arasında girovların azad edilməsinə dair razılaşma ilə bağlı bəzi məsələlər yumşalıb.
Xam neft, İranın İsrailə hücumundan sonra aprelin ortalarında oktyabr ayından bəri ən yüksək səviyyəyə çatdıqdan sonra dördüncü aylıq qazancını əldə etməyə hazırlaşır. Yaxın Şərq və Ukraynadakı münaqişələr, eləcə də OPEC+ tədarükünün azaldılması qiymətləri artırır, lakin ABŞ-ın pul siyasəti ilə bağlı qeyri-müəyyənliklər və dizel də daxil olmaqla məhsul bazarlarında yüksək ehtiyatlar tələbin proqnozuna təsir edir.
ABŞ dövlət katibi Antoni Blinken Yaxın Şərqə davam edən səfəri zamanı HƏMAS silahlı qruplaşmasının liderlərini İsrailin atəşkəs şərtləri ilə bağlı tez bir zamanda qərara gəlməyə çağırıb.
Sinqapurdakı Vanda Insights-ın qurucusu Vandana Hari, "Biz kompromis ərəfəsində xam neftdə bir qədər rahatlaşma gördük, lakin son atəşkəs hərəkətinin nəticəsi məlum olana qədər qiymətlər indi müəyyən diapazonda qala bilər. Razılaşma əldə olunarsa, xam neftin sürətlə 80 dollara enəcəyini gözləyirəm”, -deyib.
