Fərid Osmanov nazir müşaviri oldu - YENİ TƏYİNAT
Azərbaycan Mərkəzi Basnkının sabiq Baş Direktoru Fərid Osmanov yeni vəzifəyə təyin olunub. ENA.az xəbər verir ki, o, Rrəqəmsal inkişaf və nəqliyyat nazirinə müşavir təyin edilib.
ENA.az xəbər verir ki, məlumatı Fərid Osmanov təsdiqləyib.
F. Osmanov bu təyinata qədər 2020-ci ildən Azərbaycan Mərkəzi Bankının (AMB) baş direktoru vəzifəsində çalışıb.
Azərbaycan Dövlət İqtisad Universitetinin Maliyyə və kredit fakültəsində bakalavr və magistratura səviyyələrini fərqlənmə diplomu ilə bitirib.
F. Osmanov həm də Azərbaycan Dövlət İqtisad Universitetinin İnformatika və idarəetmə fakültəsini dünya iqtisadiyyatında informasiya texnologiyaları ixtisası üzrə bitirib, daha sonra Böyük Britaniyanın Mançester Universitetində magistr dərəcəsi alıb.
O, 2005-ci ildən AMB-nin İnformasiya texnologiyaları departamentində müxtəlif vəzifələrdə çalışıb, 2013-cü ildə həmin departamentə direktoru təyin edilib.
2019-cu ilidə Azərbaycanda mərkəzi bankçılığın yaranmasının 100 illiyi münasibətilə və bank işinin inkişaf etdirilməsindəki xidmətinə görə “Tərəqqi” medalı ilə təltif olunub.
