İqtisadi Şuranın iclası keçirildi. Bank və sığorta sektoru da müzakirə olundu

Aprelin 8-də Azərbaycanın Baş Naziri Əli Əsədovun sədrliyi ilə İqtisadi Şuranın növbəti iclası keçirilib, iclasda makroiqtisadi və maliyyə sabitliyi məsələləri müzakirə edilib.

Nazirlər Kabinetinin mətbuat xidmətinin məlumatına görə, pul-kredit siyasətinin əsas istiqamətləri, bank və sığorta sektorunun inkişafı, kənd təsərrüfatı məhsulları istehsalı, ərzaq təhlükəsizliyi, torpaqlardan səmərəli istifadə, iclasda kənd təsərrüfatı məhsullarının ixracının cari vəziyyəti müzakirə edilib.

Bundan əlavə, Şura üzvləri 2024-2030-cu illər üçün hədəflər və qarşıda duran vəzifələr, İslam bankçılığı üzrə görülən işlər, gömrük sistemində süni intellektə əsaslanan Avtomatlaşdırılmış Risk Təhlili Sisteminin tətbiqi məsələlərini müzakirə ediblər.

Bu məsələlərlə bağlı Mərkəzi Bankın sədri Taleh Kazımov, kənd təsərrüfatı naziri Məcnun Məmmədov, Dövlət Gömrük Komitəsinin sədri Şahin Bağırov və iqtisadiyyat nazirinin müavini Səməd Bəşirli çıxış ediblər.

İclasın yekunları üzrə bir sıra qərarlar qəbul edilib və aidiyyəti dövlət qurumlarına tapşırıqlar verilib.