Yaşı 8 ildən çox olan avtomobillər bu halda daha üç il taksi fəaliyyəti ilə məşğul ola biləcək
1 iyul 2024-cü il tarixindən sonra taksi fəaliyyətinə icazə almaq üçün avtomobillərin yaşı 8 ildən az olmalıdır. 1 iyul 2024-cü il tarixinədək müraciət edənlərə bu tələb tətbiq edilmir.
Azərbaycan Yerüstü Nəqliyyat Agentliyinin (AYNA) məlumatına əsasən, vətəndaşın avtomobili 2012-ci il istehsalıdırsa, 1 iyul 2024-cü il tarixinə kimi icazə üçün müraciət edibsə, 3 illik icazə ala biləcək. Bu halda rəng tələbi tətbiq edilmir.
