Bitkoində kəskin ucuzlaşma - QİYMƏT (05.08.2024)
ABŞ iqtisadiyyatı ilə bağlı tənəzzül narahatlıqları kriptovalyutalarda böyük satışlara səbəb olub. Bitcoin həftəyə 10 faiz, Ethereum isə 20 faiz enişlə başlayıb.
Belə ki, Bitcoin təxminən 6 ayda dibə vurduğu halda, son 24 saat ərzində kriptovalyutalardan 260 milyard dollar silindi. Kriptovalyutalar bazar ertəsi qlobal bazarlarda riskdən yayınma böhranından təsirləndi. Bu, Bitcoin-i 10 faizdən çox aşağı salaraq, ikinci yerdə olan Ether-i 2021-ci ildən bəri ən böyük enişinə apardı.
Kriptovalyutalarda satış daha sərt idi. Bitcoin 7,30 CET tarixinə görə gündəlik yüzdə 10,6 azalaraq 54 min 280 dollara düşüb. Ethereum isə 20 faiz dəyər itirərək 2330 dollara düşüb.
Bazar dəyəri baxımından ilk 10 kriptovalyutaya nəzər salsaq, Binance Coin gündəlik 15,6 faiz, Solana 11,2 faiz, Ripple 14,3 faiz, Toncin 10,6 faiz, Dogecoin 15,2 faiz, Cardano (ADA) isə 14,5 faiz azalıb.
Enişlər qlobal səhm satışının güclənməsi ilə baş verir ki, bu da iqtisadi perspektivlə bağlı narahatlıqları əks etdirir. Yaxın Şərqdə geosiyasi gərginlik investorların da narahatlığını artırır.
