Neft artımını qoruyur- QİYMƏT (19.03.2024)
Bazar ertəsi günü Brent markalı neft oktyabrın sonundan bu yana ən yüksək qapanışından sonra barel üçün 87 dollar ətrafında stabilləşib. ABŞ xam nefti 83 dollardan aşağı olub. Gunvor Group Ltd.-nin məlumatına görə, Rusiyanın təqribən 600 min barel gündəlik neft emalı zavodu tətil səbəbiylə sıradan çıxdı. JP Morgan Chase and Co. bu rəqəmi təxminən 900 min barel olaraq təyin edib.
Xam neft ilin böyük bir hissəsində ticarət etdiyi sıx diapazondan çıxdıqdan sonra üçüncü aylıq yüksəlişə doğru gedir. OPEC+ tədarükünün azaldılması qiymətləri qaldırmağa kömək etdi və İraq bu həftə gələn aylarda neft ixracını azaldacağını söylədi.
Bazar ertəsi məlumatları Çinin fabrik istehsalı və investisiyalarının ilin əvvəlində gözləniləndən daha güclü artdığını və ölkə rekord miqdarda xam neft emal etdiyini göstərdi. Bu arada, ABŞ-da iqtisadiyyatın hələ də güclü olması FED siyasətçilərini faiz dərəcələrini nə vaxt azaltmağa başlaya biləcəkləri barədə ehtiyatlı davranmağa vadar edib.
Phillip Nova Pte broker firmasının baş bazar analitiki Priyanka Sachdeva deyib: "Həm ABŞ-da, həm də Çində iqtisadi aktivliyin artması və investorların nikbinliyi iki ən böyük xam neft istehlakçısının sağlam tələbata ümidlərini artırdı. Bununla belə, FED Faiz dərəcələrini sabit saxlamaq ehtimalı var".
