Bitcoin-də pikdən sonra kəskin eniş
Dünyanın ən böyük kriptovalyutası olan Bitcoin-də kəskin ucuzlaşma baş verib. Kriptovalyuta bazarlarında, spot Bitcoin birja fondlarına (ETF) davamlı maraqla Bitcoin, cümə axşamı günü 73 min 798 dollara yüksələrək rekordunu yenilədi.
ENA.az xəbər verir ki, kriptovalyuta həftə ərzində rekord qırsa da, həftənin son ticarət günündə 4,6 faiz kəskin ucuzlaşma ilə 68 min dollara düşüb.
Böyük mərkəzi bankların bu il faiz dərəcələrini azaltmağa başlayacağı və daha dəstəkləyici pul siyasətinə keçəcəyi ilə bağlı gözləntilər də həftə boyu Bitcoin-in artımını dəstəklədi. Həm Bitcoin, həm də Ether, BNB və Solana kimi top 100 tokenin göstəriciləri bu il indiyədək təxminən 60 faiz artıb.
Digər tərəfdən, El Salvador bitkoini qanuni valyuta kimi qəbul edən ilk ölkə oldu. Bu barədə prezident də açıqlama verib. Prezident Nayib Bukele cümə axşamı bildirib ki, El Salvador bitkoin ehtiyatlarının "böyük bir hissəsini" Mərkəzi Amerika ölkəsinin ərazisində fiziki anbarda saxlanacaq oflayn cihaza köçürəcək.
Keçən ay ikinci müddətə yenidən seçilən Bukele, "Bitcoinlərimizin əsas hissəsini soyuq cüzdana köçürmək və bu soyuq pul kisəsini milli ərazimizdəki fiziki anbarda saxlamaq qərarına gəldik", deyib.
