Ən ucuz kredit Bakıda, ən bahalı kredit Şirvandadır – CƏDVƏL

Azərbaycanda banklardakı depozitin həcmi 37 milyard manat, kreditlərin həcmi isə 23 milyard manat təşkil edir. Ortada 14 milyard manat həcmində depozit qalığı yaranır. Yəni, əlavə likvid vəsaitlər var, ancaq bu vəsaitlər yerləşdirilmir, alıcı tapmır.  

ENA.az xəbər verir ki, əsas səbəblərdən biri kimi, biznes, eləcə də fərdi istehlakçılar kredit faizlərinin yüksək olmasını göstərirlər. Bank isə öz növbəsində risklərini qiymətləndirir və bu da normal haldır.

Risklərdən söz düşmüşkən, bu elə kreditlər üzrə orta faiz dərəcələrində də özünün göstərir. Maraqlıdır ki, kreditə tələbat daha çox Bakıdadır, elə ən ucuz kreditlər də məhz paytaxtdadır. Rayonlarda verilən kreditlərin orta faiz dərəcəsi 20%-ə yaxındır.

2023-cü ildə ümumilikdə verilən kreditlərin 77%-i Bakının payına düşüb və orta faiz dərəcəsi 11.09%-dir. Kredit portfelinin qalan 13%-i isə digər 13 iqtisadi rayonda cəmləşir. Bu rəqəm özlüyündə rayonlardakı iqtisadi aktivliyin səviyyəsi üzrə çox neqativ bir mənzərə yaradır.

Bu zəif inkişaf fonunda belə ən bahalı kreditlərdə rayonlardadır. Dağlıq Şirvan iqtisadi rayonunda orta faiz dərəcəsi 19.68% təşkil edir.

Verilən ümumi kreditlərin 57%-i isə istehlak kreditləridir.