Azərbaycanda ən varlı əhalisi olan region hansıdır? - CƏDVƏL

Azərbaycanda fiziki şəxslərin əmanətlərinin həcmi 12 milyard 947 milyon manatdır. Bunun 8 milyard 646 milyon manatı milli valyutada, 4 milyard 302 milyon manatı xarici valyuta ilə olan əmanətlərdir. ENA.az Azərbaycan Mərkəzi Bankına istinadən xəbər verir ki, əmanətlər üzrə orta faiz dərəcəsi 3.68%-dir. Lakin orta faiz dərəcəsi əmanətlərin qoyulduğu regionlar üzrə dəyişir. 

Ümumiyyətlə, əmanətlərin həcmi ilə bağlı da regionlar arasında kəskin uçurum var. Belə ki, ümumi əmanətlərin 89%-i Bakı şəhərində cəmləşib. Qalan 13 iqtisadi rayonun əhalsii isə cəmi əmanətlərin 11%-nə sahibdir. Bu göstərici özü rayonlarla paytaxt Bakı arasında inkişaf və əhalinin gəlirləri baxımından, təəssüf ki, mənfi mənada çox böyük mənzərə yaradır. 

Üstəlik, Abşeron rayonu üzrə əmanətlərin orta faiz dərəsinin 5,51% olduğu halda, Mil-Muğan iqtisadi rayonu üzrə 2.72% olması da gəlirlər və təbii ki, həmin bölgədə kreditlər üzrə tələbdən formalaşan əmanət faizləri üzrə də müəyyən fikir yürütməyə imkan verir, həmçinin iqtisadi aktivliyin də bir göstəricisidir. 

ENA.az olaraq, ümumi mənzərəni göstərən cədvəli diqqətinizə təqdim edirik: