AccessBank və Tegeta Motors Baku Azərbaycanda xüsusi texnikanın maliyyələşdirilməsi və satışı sahəsində əməkdaşlıq müqaviləsi imzalayıblar
Azərbaycanda kiçik və orta biznesin (KOB) inkişafını fəal təşviq edən, aparıcı maliyyə institutu olan AccessBank, ixtisaslaşdırılmış avadanlıqların ehtiyat hissələrinin satışı, servisi və təchizatı sahəsində tanınmış lider - Tegeta Motors Baku ilə müqavilə imzalayıb. Maliyyə əməkdaşlığı və xüsusi texnikanın satışını əhatə edən müqavilə sonradan uzadılma imkanı ilə 12 aylıq müddəti əhatə edir.
“Azərbaycanda sahibkarlıq fəaliyyətinin inkişafının dəstəklənməsi AccessBank-ın prioritet istiqamətlərindəndir və biz maliyyə əlçatanlığının təmin edilməsi və sahibkarlar üçün güzəştli şərtlərlə xüsusi avadanlıqların alınması prosesinə növbəti töhfəmizi verməkdən məmnunuq. AccessBank etibarlı tərəfdaş kimi sahibkarların etimadını qazana bilib və biz bundan sonra da bu prinsipə sadiq qalaraq, sahibkarlığın inkişafının müxtəlif mərhələlərində dəstək olacağıq”, - deyə, AccessBank-ın İdarə Heyətinin üzvü, Mikro və Aqro sahibkarlarla iş üzrə İcraçı Direktoru Renat Hümbətov bildirib.
“Biz şadıq ki, AccessBank ilə birlikdə müştərilərimizə sərfəli şərtlərlə xüsusi avadanlıq almaq imkanı təklif edə bildik. Tegeta şirkəti Britaniyanın JCB brendinin Azərbaycandakı eksklüziv nümayəndəsidir. JCB-nin birinci dərəcəli tikinti və xüsusi avadanlıqlarına əlavə olaraq, biz müştərilərimizə satış sonrası xidmət təklif edirik. Şirkətimiz təkcə pərakəndə satış seqmentində deyil, həm də korporativ sektorda da xüsusi avadanlıqlar üçün ehtiyat hissələri satır. Biz tikinti, logistika və neft sənayesində aparıcı şirkətlərlə əməkdaşlıq edirik. Müvafiq olaraq, hesab edirik ki, AccessBank ilə imzalanmış əməkdaşlıq müqaviləsi sahibkarlıq fəaliyyətinin inkişafının təşviqində daha bir mühüm addımdır”, - Tegeta Motors Baku-nun direktoru Aleksandr Lapereşvili bildirib.
Daha ətraflı məlumat əldə etmək və xüsusi şərtlərlə kreditlə avadanlıq almaq üçün 151 nömrəsinə zəng etməklə, həmçinin bankın sosial şəbəkələrdəki səhifələrinə (Facebook, Instagram, LinkedIn) daxil olaraq bilərsiniz.
