Azərbaycan Türkiyəyə Superkuboka ev sahibliyi təklifi etdi
Azərbaycan Türkiyənin "Fənərbağça" və "Qalatasaray" komandaları arasında keçiriləcək Superkubok oyununa ev sahibliyi etməyi təklif edib.
ENA.az Türkiyə KİV-ə istinadən xəbər verir ki, Azərbaycan Futbol Federasiyaları Assosiasiyası (AFFA) müvafiq təkliflə Türkiyə Futbol Federasiyasına (TFF) müraciət edib.
Türkiyə hazırda oyunun Samsun və ya Ankara şəhərlərindən birində keçirilməsini nəzərdə tutur. TFF ilə yanaşı, "Fənərbağça" və "Qalatasaray" komandalarının təklifə yekun cavabı yaxın günlərdə bəlli olacaq.
Qeyd edək ki, "Fənərbağça" və "Qalatasaray" arasında Superkubok oyununun Səudiyyə Ərəbistanında keçirilməsi planlaşdırılırdı. Lakin ev sahibi ölkənin tələbləri səbəblərindən oyunun bu ölkədə keçirilməsi mümkün olmayıb.
