Suqovuşan İstirahət Parkı üçün ayrılan vəsaitin MƏBLƏĞİ AÇIQLANDI

Suqovuşan İstirahət Parkı üçün ilkin olaraq 4 milyon manata yaxın vəsait ayrılıb.
Bunu Dövlət Turizm Agentliyinin sədr müavini Azadə Hüseynova deyib.
O qeyd edib ki, bunun içərisinə layihələndirmə işləri də daxildir.
"İkinci mərhələ üçün layihə-smeta sənədlərinin hazırlanması da bu işlər çərçivəsində həyata keçirilir".
Qeyd edək ki, oktyabrın 16-da Dövlət Turizm Agentliyi ölkənin 40-a yaxın kütləvi informasiya vasitələrinin nümayəndələrinin iştirakı ilə Tərtər rayonunun Suqovuşan qəsəbəsində yeni salınmış istirahət parkına mediatur təşkil edib.