İnsanlar yenidən səyahətə pul xərcləməyə başladığı üçün brilyantlara tələbat zəifləyib. Rus şirkəti satışları dayandırdı

Rusiya almaz mədənçisi Alrosa PJSC qiymətləri aşağı düşməsi səbəbiylə bütün almaz satışlarını dayandıraraq demək olar ki, görünməmiş bir addım atdı.

ENA.az xəbər verir ki, Alrosa yaydığı açıqlamada sentyabr və oktyabr aylarında almaz satışını müvəqqəti olaraq dayandırdığını söylədi. Şirkət bu addımın son vaxtlar ortaya çıxan tələb və təklif uyğunsuzluğunu aradan qaldıracağına inandığını bildirib.

İstehlakçılar pandemiya və iqtisadi çətinliklərdən sonra dəbdəbəli xərcləri azaltdığından yenidən səyahət və təcrübələrə pul xərcləməyə başladığı üçün brilyantlara tələbat ümumilikdə zəifləyib.

Lakin son həftələrdə qiymətlərin enməsi sürətlənib və sənayenin xam almazların ən böyük müştəriləri olan Hindistandakı alıcılar ən böyük mədənçilərə tədarükü cilovlamaq üçün təzyiq göstərməyə başlayıblar.

Qiymətlərin düşməsi xüsusən də ABŞ bazarında məşhur olan mallarla başladı. Lakin laboratoriyada yetişdirilən almazlara tələbat və artan rəqabətlə bağlı narahatlıqlar son həftələrdə artdı.

İki böyük almaz mədənçisinin satışı tamamilə dondurulması pandemiya epidemiyası kimi böyük bir böhrandan kənarda olduqca qeyri-adi bir qərar kimi qəbul edilib.