ABŞ-ın borcu ilk dəfə 33 trilyon dolları aşdı
ABŞ Maliyyə Nazirliyinin məlumatına görə, ölkənin borcu 33,04 trilyon dollara çatıb.
ENA.az xəbər verir ki, ABŞ Konqresinin 2023-cü maliyyə ilinin başa çatacağı sentyabrın sonunda yeni müvəqqəti büdcə qəbul edərək hökumətin bağlanmasının qarşısını almağa çalışdığı bir vaxtda ölkənin borcu tarixi səviyyəyə yüksəlib.
Amerikanın uzunmüddətli maliyyə problemlərini həll etmək üçün çalışan Peter G. Peterson Fondunun baş icraçı direktoru Maykl Peterson, mövzu ilə bağlı etdiyi şərhdə, ABŞ-ın milli borcunun trilyonlarla dollar artmağa davam etdiyini söylədi.
32 trilyon dollarlıq borc limitinin iyun ayında ölkədəki borc limitini keçdiyini ifadə edən Peterson, siyasətçilərin problemi həll etməyə fokuslanmasını istədiyini ifadə etdi.
Qeyd edək ki, yanvarın 19-da ABŞ 31,4 trilyon dollarlıq borc həddinə çatdı və ABŞ Maliyyə Nazirliyi limiti aşmamaq və mümkün defoltun qarşısını almaq üçün fövqəladə tədbirlər görməyə başladı.
Borc limiti ilə bağlı uzun danışıqlardan sonra Konqresdə razılıq əldə olunub və ABŞ prezidenti Co Bayden iyun ayında borc limitini artırmaqla ölkənin defolt vəziyyətinə düşməsinin qarşısını alacaq qanun layihəsini imzalayıb.
