"Azərenerji" dövlət büdcəsindən kapital inyeksiyası alacaq
"Azərenerji" ASC nizamnamə kapitalını artırmaq məqsədilə dövlət büdcəsindən 90 milyon manat alacaq. ENA.az xəbər verir ki, bu maliyyə inyeksiyası 2023-cü ildə reallaşdırılacaq.
2022-ci ilin əvvəlinə "Azərenerji"nin nizamnamə kapitalı 1 milyard 760,495 milyon manat idi.
Alınan vəsait iki məqsədə: işğaldan azad edilmiş ərazilərdə (Qarabağ və Şərqi Zəngəzur) kiçik su elektrik stansiyalarının tikintisinə və "Cəbrayıl Enerji Qovşağı" layihəsinin birinci mərhələsinin başa çatdırılmasına yönəldiləcək.
