Gürcüstanın xarici dövlət borcu açıqlandı
Gürcüstanın xarici dövlət borcu cari ilin may ayında 8 milyard 404 milyon 509 min ABŞ dolları təşkil edib. Bu da cari ilin birinci rübü ilə müqayisədə təxminən 200 milyon dollar çoxdur.
ENA.az xəbər verir ki, Gürcüstanın Maliyyə Nazirliyinin məlumatına görə, hazırda dövlət borcunun lari ilə ekvivalenti 21 milyard 287 milyon 647 min laridir.
Qeyd edək ki, 2022-ci ilin may ayında Gürcüstanın dövlət borcu həmin dövrün məzənnəsi ilə 23 milyard 338 milyon 271 min lari təşkil edib.
Statistik məlumatlara əsasən Gürcüstana ən çox kredit verən Asiya İnkişaf Bankı, Avropa İnvestisiya Bankı və Beynəlxalq İnkişaf Bankıdır.
