Rusiya büdcəsinin neft və qaz gəlirləri planı dolmur

Rusiyanın maliyyə naziri Anton Siluanov bildirib ki, federal büdcənin neft və qaz gəlirləri ilə bağlı problemləri qalmaqdadır, onların daxilolmaları planlaşdırılan təyinatlardan geri qalır.

"Neft və qazla bağlı olmayan gəlirlər planlaşdırıldığı kimi artır. Amma problemlər neft və qaz gəlirlərindədir”, - o, Rusiya prezidenti Vladimir Putinin hökumət üzvləri ilə görüşündə deyib.

ENA.az xəbər verir ki, nazir onu da qeyd edib ki, büdcənin gəlir və xərclərinin icra dinamikasında fərq olduğu üçün balanssızlıq qalmaqdadır.

“Biz görürük ki, bu gün biz illik gəlirin həcmindən planın 30%-ə yaxınını, ilin xərclərini isə 39% yerinə yetirmişik, ona görə də bizdə hələ də müvəqqəti disbalans var”, - deyə o bildirib.

Rusiya Federasiyasının federal büdcəsi yanvar-aprel aylarında Maliyyə Nazirliyinin ilkin məlumatlarına görə, 3,4 trilyon rubl kəsirlə icra edilib. Son bir ayda bu rəqəm 1 trilyon rubl artıb.