“WhatsApp”ın rəhbəri Telegram-ı məxfi məlumatları hakimiyyət orqanlarına “ötürməkdə” ittiham edib
“WhatsApp”ın rəhbəri Uill Ketkart “Twitter”də “Telegram” messencerini tənqid edib. Onun fikrincə, “WhatsApp”ın rəqib platforması məlumatların tam şifrələnməsini təmin etmir və üçüncü tərəflərə hətta “gizli söhbətlərdən” də potensial məlumat əldə etmək imkanı verir.
“Onların e2ee (uçdan-uca şifrələmə) protokollarında müstəqil yoxlama yoxdur... Telegramda əksər texnoloji şirkətlər tərəfindən qəbul edilən real şəffaflıq yoxdur... Telegramda baş verən kobud səhvlər insanları risk altında qoyur”, - Catkart yazıb.
“WhatsApp” rəhbəri Rusiya hakimiyyətinin Telegram zəifliklərindən istifadə edərək müharibə əleyhdarı fəalları izləməsindən bəhs edən “Kreml söhbətə girdi” adlı məqaləyə istinad edir.
ENA.az Kommersant-a istinadən verdiyi məlumata görə, Katkart vurğulayıb ki, o, Telegram-ın messencerin əsas rəqibinin nümayəndəsi kimi onun tərəfindən tənqid olunduğu zaman yaranan maraqların toqquşması vəziyyətindən xəbərdardır. Buna görə də o, öz auditoriyasını başdan sona şifrələmə ilə istənilən digər “böyük messencerdən” istifadə etməyə, lakin Telegram-dan istifadə etməməyə çağırıb.
Bundan əvvəl Telegram-ın yaradıcısı Pavel Durov dəfələrlə “WhatsApp”ı açıq şəkildə tənqid edib. Meta-nın messencerə qarşı ittihamları həm də WhatsApp istifadəçilərinin təhlükəsizliyinin olmaması ilə bağlıdır: “WhatsApp yaradılandan bəri onun təhlükəsiz olduğu bir an belə olmayıb”, - deyə Durov iddia etmişdi.
