Dövlət xəttilə kirayəyə mənzil götürənlərə yeni hüquqlar verilir
Azərbaycanda İpoteka və Kredit Zəmanət Fondunun xətti ilə (satmaq öhdəliyi ilə) kirayəyə mənzil götürən şəxslərə yeni hüquq və vəzifələr verilir.
Bu barədə Prezident İlham Əliyevin təsdiqlədiyi Mənzil Məcəlləsində dəyişiklik edilməsi haqqında qanunda qeyd olunub.
Dəyişikliyə əsasən, müvafiq icra hakimiyyəti orqanının müəyyən etdiyi orqanın (qurumun) satmaq öhdəliyi ilə kirayəyə verdiyi yaşayış sahəsi kirayəçinin istifadəsinə verildiyi tarixdən kirayə hüquq münasibətlərinə xitam verilənə qədər bu Məcəllənin 38-ci, 43–47-ci və 119–145-ci maddələri üzrə çoxmənzilli binanın sahə mülkiyyətçisinə məxsus hüquq və vəzifələr həmin kirayəçiyə veriləcək.
Kirayəçi bu Məcəllənin 43.2.1–43.2.3-cü və 125.2.6-cı maddələri ilə müəyyən edilmiş sahə mülkiyyətçisinə məxsus hüquq və vəzifələri, o cümlədən bu Məcəllənin 125.2.12-ci, 125.2.13-cü və 125.3-cü maddələri ilə müəyyən edilmiş ümumi əmlaka sərəncam verilməsinə dair sahə mülkiyyətçisinin səlahiyyətlərini yalnız yaşayış sahəsinin mülkiyyətçisinin yazılı razılığı əsasında həyata keçirə bilər.
