Axtar

Neft ucuzlaşır - SON QİYMƏT

Dollar mərkəzi bankın bir sıra iclasları ərəfəsində möhkəmləndiyindən bir gün əvvəl iki həftəlik minimuma endikdən sonra bugün səhər saatlarında neft bir qədər yüksəldi.

Londonun ICE Futures birjasında çərşənbə günü saat 9:13-ə Brent markalı neftin noyabr fyuçerslərinin dəyəri bir barel üçün 90,84 dollar təşkil edir ki, bu da əvvəlki sessiyanın bağlanış qiymətindən 0,22 dollar (0,24%) çoxdur. 

Nyu-York əmtəə birjasında (NYMEX) elektron hərraclarda noyabr ayı üçün WTI neftinin fyuçerslərinin qiyməti bu vaxta kimi bir barel üçün 84,09 dollar təşkil edir ki, bu da əvvəlki sessiyanın yekun dəyərindən 0,15 dollar (0,18%) çoxdur. 

CMC Markets UK-nin baş bazar analitiki Michael Hewson, "Güclü dollar, artan istiqraz gəlirləri və qlobal iqtisadi tənəzzül fonunda tələblə bağlı narahatlıqlar yenidən neft qiymətlərinə təzyiq edir. Bazar bu həftə FED-dən faiz artımını gözləyir", - deyib. 

"Təchizatın olmaması ilə bağlı narahatlıq gözlənilə bilən kotirovkalara dəstək vermir, lakin bu həm də o deməkdir ki, biz də güclü çökmə görməyəcəyik", - ekspert əlavə edib.

FED-in iclası çərşənbə günü axşam başa çatacaq və analitiklər ümumiyyətlə bunun nəticəsində ABŞ-da əsas faiz dərəcəsinin ən azı 75 baza bəndi artırılacağına inanırlar.

Bu arada, Amerika Neft İnstitutunun (API) məlumatları ABŞ-ın neft ehtiyatlarının keçən həftə 1 milyon barel artdığını göstərdi. 

Əlaqə

Email : enanewsaz@gmail.com

Tel : +994 70 500 12 33