Mikayıl Cabbarov AYİB-in prezidenti ilə görüşüb
İqtisadiyyat naziri Mikayıl Cabbarov AYİB-in prezidenti xanım Odil Reno-Basso ilə işgüzar müzakirələr aparıb.
ENA.az xəbər verir ki, nazir bununla bağlı rəsmi Twitter səhifəsində yazıb.
O, qeyd edib ki, müzakirələrdə energetika, xüsusilə bərpa olunan enerji, KOB-ların dəstəklənməsi, dövlət müəssisələri ilə əməkdaşlıq, biznes mühiti və informasiya texnologiyaları ekosisteminin yaxşılaşdırılması, o cümlədən işğaldan azad olunmuş ərazilərimizdə həyata keçirilən layihələrdə bankın potensial iştirak imkanları barədə ətraflı fikir mübadiləsi aparılıb.
Nazir paylaşımında əlavə edib ki, perspektivlər əməkdaşlığın dərinləşdirilməsi üçün cəlbedicidir.
