Dünyada ilk dəfə hidrogenlə işləyən sərnişin qatarı xəttə buraxılıb

Dünyada ilk dəfə olaraq Almaniyada hidrogenlə işləyən sərnişin qatarı xəttə buraxılıb.

Qatar Aşağı Saksoniya əyalətində 126 kilometrlik xətdə hərəkət edəcək və 4 şəhəri birləşdirəcək. Yeni nəqliyyat vasitəsi heç bir zəhərli maddə xaric etmir.

Qatarın xəttə buraxılmasında ləngimə sınaqların uzun müddət davam etməsi və pandemiyaya görə bəzi detalların təchizatının ləngiməsi ilə əlaqədardır.