Rusiya aviaşirkətləri təyyarələri hissələrə sökür
Rusiya aviaşirkətləri, o cümlədən “Aeroflot” sanksiyalar səbəbindən təyyarələri ehtiyat hissələri üçün sökməyə başlayıb. Bu barədə “Reuters” Rusiya aviasiya sənayesindəki dörd mənbəyə istinadən məlumat yayıb.
Agentlik mənbələrinin məlumatına görə, “Rusiyaya məxsus iki Sukhoi Superjet 100 və Airbus A350 təyyarələrini eyni model olan digər təyyarələr üçün istifadə etmək məqsədilə hissələrə söküb.
Banker.az bu barədə “Kommersant”a istinadən xəbər verir.
Rusiya aviaşirkətlərinə yeni ehtiyat hissələrinin tədarükü sanksiyalarla qadağan edilib. Lakin iyulun 21-də Aİ İCAO-nun təhlükəsizlik standartlarını təmin etmək üçün bir qrup aviasiya məhsulunu Rusiyaya çatdırılma qadağasından çıxarmaq qərarına gəlib.
Bildirilir ki, təyyarələrin yarıdan çoxu 2025-ci ilə qədər sökülə bilər.
