Axtar

Yaponiya Agentliyi və “Masdar Azərbaycan Enerji” günəş elektrik stansiyası ilə bağlı kredit sazişi imzalayıb

Yaponiya Beynəlxalq Əməkdaşlıq Agentliyi (JICA) günəş elektrik stansiyası (GES) tikən “Masdar Azərbaycan Enerji” MMC ilə layihənin maliyyələşdirilməsi məqsədi ilə kredit sazişi imzalayıb.

Yaponiyanın Azərbaycandakı Səfirliyindən verilən məlumata görə, bu, Azərbaycanda Özəl Sektor İnvestisiyaları və Maliyyələşdirməsinin bərpasından sonra ilk layihədir, Asiya İnkişaf Bankı (AİB), Avropa Yenidənqurma və İnkişaf Bankı (AYİB) və Abu Dabi İnkişaf Fondu (ADFD) ilə birgə maliyyələşdirilir.

Bu, Azərbaycanda özəl şirkət tərəfindən tikilən və idarə olunan ilk irimiqyaslı günəş enerjisi layihəsidir (230 MVt). Borcalanın sponsoru “Abu Dhabi Future Energy Company” PJSC (“Masdar”) Yaxın Şərqdə bərpa olunan enerji layihələrinin ən böyük inkişaf etdiricilərindən biridir. Onlar 40-dan çox ölkədə fəaliyyət göstərirlər və bərpa olunan enerji layihələrində böyük təcrübəyə malikdirlər. Nümunəvi layihə kimi bu layihənin Azərbaycanda və Mərkəzi Asiya və Qafqaz regionunda sonrakı analoji layihələrə özəl şirkətlərin gələcək investisiyalarının cəlb edilməsi gözlənilir.

Əlaqə

Email : enanewsaz@gmail.com

Tel : +994 70 500 12 33