Hadisə

İsrail səfirliyi vətəndaşlarını Ukraynanı dərhal tərk etməyə çağırdı

İsrailin Ukraynadakı səfirliyi vətəndaşlarını ölkəni dərhal tərk etməyə çağırıb.

Bu barədə İsrailin Kiyevdəki səfirliyi feysbukda məlumat yayıb.

Bildirilib ki, Ukraynadakı hərbi əməliyyatlarla əlaqədar İsrail Xarici İşlər Nazirliyi vətəndaşlarına yəhudilərin yığcam yaşadığı Uman şəhəri daxil olmaqla Ukraynaya səfər etməməyə çağırıb:

“Ukraynada əhalinin məskunlaşdığı ərazilərə və mülki obyektlərə, o cümlədən ölkənin mərkəzində və qərbində raket zərbələri və hava hücumları təhlükəsi qalmaqdadır. Bu, həyat üçün real təhlükədir”.

Qeyd olunub ki, İsrail səfirliyinin əməkdaşları daimi əsaslarla Ukraynada deyillər və ehtiyac olduğu halda konsulluq yardımı göstərə bilməyəcəklər.

Ən vacib xəbərləri Telegram kanalımızdan OXUYUN! (https://t.me/enaxeber)