AMB rəqəmsal manat konsepsiyası üzərində işləyir
Azərbaycan Mərkəzi Bankı rəqəmsal manat konsepsiyası üzərində işləyir.
Bunu Mərkəzi Bankın Ödəniş sistemləri və hesablaşmalar departamentinin Milli ödəniş sistemlərinin inkişafı şöbəsinin mütəxəssisi Rəşad Qasımov Bakıda keçirilən maliyyə texnologiyaları sammitində deyib.
Onun sözlərinə görə, hazırda bu sahədə qabaqcıl dünya təcrübəsi öyrənilir.
“Rəqəmsal valyuta ödənişlərin nağdsız mühitə keçirilməsini sürətləndirə bilər”, – deyə o bildirib.
