Lavrov bu gün Paşinyanla, sabah Mirzoyanla görüşəcək

Rusiyanın xarici işlər naziri Sergey Lavrov İrəvanda Ermənistanın baş naziri Nikol Paşinyan və prezident Vaaqn Xaçaturyanla görüşəcək.

ENA.az xəbər verir ki, rusiyalı nazir iyunun 8-də Ermənistana işgüzar səfər edəcək.

İyunun 9-da o, Ermənistanın xarici işlər naziri Ararat Mirzoyanla təkbətək və geniş tərkibdə görüşəcək. Görüşdən sonra iki ölkənin xarici işlər nazirləri mətbuat konfransı keçirəcəklər.