Sağlamlıq

Meymunçiçəyi bu ölkəyə də çatdı

Danimarkada meymunçiçəyi xəstəliyinə ilk yoluxma halı qeydə alınıb.

ENA.az “TASS”a istinadən xəbər verir ki, bu barədə məlumatı ölkənin Səhiyyə Nazirliyi yayıb.

Bildirilir ki, xəstəliyə yoluxan bir kişi hazırda evdə təcrid olunub. Mütəxəssislər ölkədə meymunçiçəyinə başqa yoluxanların olub-olmamasını araşdırır.

Yoluxan şəxsdə İspaniyaya səfər etdikdən sonra infeksiyanın əlamətləri yaranıb.

Xatırladaq ki, bu günə qədər ÜST Avropa regionunda ən azı səkkiz ölkədə - Belçika, Fransa, Almaniya, İtaliya, Portuqaliya, İspaniya, İsveç və Böyük Britaniyada meymunçiçəyinə yoluxma halları barədə məlumat verib.

Ən vacib xəbərləri Telegram kanalımızdan OXUYUN! (https://t.me/enaxeber)