Neft qiymətləri ötən həftə kəskin ucuzlaşdı, indi yenidən bahalaşır
Neft qiymətləri ötən həftənin nəticələrinə görə, demək olar ki, 2 il ərzində maksimum enişdən sonra bazar ertəsi günü bir qədər yüksəldi.
Treyderlərin diqqət mərkəzində COVID-19-a yoluxma hallarının artmasının davam etdiyi Çindəki vəziyyət qalır, bununla əlaqədar hakimiyyət orqanları sərt məhdudlaşdırıcı tədbirləri davam etdirir. Çində enerji resurslarına tələbin zəifləyəcəyi gözləntiləri ötən həftə neftin qiymətinin aşağı düşməsini şərtləndirən amillərdən biri olub.
Digər mühüm amil ABŞ-ın, ardınca isə BEA-ya üzv olan digər ölkələrin qiymət artımlarını məhdudlaşdırmaq üçün neft və strateji ehtiyatları buraxmaq niyyətlərini elan etməsi oldu.
Londonun ICE Futures birjasında bugün saat 9:15-ə olan Brent markalı neftin iyun fyuçerslərinin dəyəri bir barel üçün 104,6 dollar təşkil edir ki, bu da əvvəlki sessiyanın bağlanış qiymətindən 0,21 dollar (0,2%) çoxdur.
Nyu-York əmtəə birjasının (NYMEX) elektron hərraclarında may ayı üçün WTI neftinin fyuçerslərinin qiyməti bu vaxta kimi bir barel üçün 99,36 dollar təşkil edir ki, bu da əvvəlki sessiyanın yekun dəyərindən 0,09 dollar (0,09%) çoxdur.
Keçən həftənin sonunda Brent 11,1%, WTI - 12,8% ucuzlaşdı, hər iki markanın dəyərində həftəlik eniş 2020-ci ilin aprelindən bəri ən böyük həcm göstərib.
Bloomberg-in sitat gətirdiyi Vanda Insights-ın təsisçisi Vandana Hari, "Görünür, ABŞ-ın nefti strateji ehtiyatdan azad etmək qərarı neft bazarındakı mitinqi dəyişdirdi", deyib.
